Mi Mix Alpha

Xiaomi ကတော့ Mi Mix Alpha ကို ထုတ်ကြွားသွားပါပြီ။ ကျောဘက်အထိပါ မျက်နှာပြင်ကို တစ်ဆက်တည်းပြုလုပ်ပေးထားတဲ့ ဒီစမတ်ဖုန်းဟာ ကင်မရာပိုင်းမှာလည်း မျက်ခုံးပင့်စရာ အချက်အလက်တွေနဲ့ ဖြစ်ပါတယ်။ Screen-to-body 180.6% နဲ့ 108MP အဓိက ကင်မရာ ဆိုတဲ့ နှစ်ချက်နဲ့တင် စိတ်ဝင်စားစရာ ကောင်းနေပါပြီ။

Ref: GSM Arena

ကျောဘက်က 108MP အဓိကကင်မရာနဲ့ ရိုက်ကူးထားတဲ့ ပုံတွေက ဘယ်လိုဖြစ်နေမလဲ၊ ဘယ်လောက်ထိကောင်းမလဲဆိုတာကိုလည်း သိရအောင်လို့ Xiaomi က ထုတ်ကြွားလိုက်ပြန်ပြီ ဖြစ်ပါတယ်။ ဖမ်းယူထားတဲ့ ပုံရိပ်ရဲ့ အရည်အသွေးဟာ ဘယ်လောက်ထိကောင်းတယ် ဘယ်လောက်ထိ အသေးစိတ်ချဲ့ကြည့်နိုင်တယ်ဆိုတာသိဖို့ ကုမ္ပဏီက နမူနာပုံတွေ ပြသခဲ့ပါတယ်။

Ref: GSM Arena
Mi Mix Alpha

စုစုပေါင်း ကင်မရာသုံးလုံး တပ်ဆင်ထားတဲ့အထဲမှာ ကျန်တဲ့နှစ်လုံးက 20MP (Ultra-wide) နဲ့ 12MP 2x Optical Zoom တို့ ဖြစ်ကြပါတယ်။ အဓိက Sensor 1.33″ နဲ့ပေါင်းစပ်လိုက်ချိန်မှာတော့ အလန်းစားရလဒ်ကို ထုတ်ပြနိုင်ခဲ့တယ်လို့ ဆိုရမှာပါ။ ညဘက် Zoom သုံးပြီးရိုက်ကူးရင်တောင် f/1.7 အပါချာက Sensor ကို ဖြစ်နိုင်သမျှ အလင်းရောင်များများ စုဆောင်းနိုင်ဖို့ ကူညီပေးတယ်လို့ ဆိုပါတယ်။

Ref: GSM Arena
Xiaomi Mi MIX Alpha

လက်ရှိအချိန်မှာတော့ Mi Mix Alpha နဲ့ ရိုက်ကူးထားတဲ့ ပုံအရည်အသွေးက Xiaomi က ထုတ်ပြသလောက်ပဲ မြင်တွေ့ရဦးမှာပါ။ Reviewer တွေလက်ထဲရောက်သွားချိန်မှပဲ အမှန်တကယ်စွမ်းဆောင်နိုင်တဲ့ ကင်မရာအရည်အသွေးကို မြင်တွေ့ရမှာ ဖြစ်ပါတယ်။ ဘာပဲဖြစ်ဖြစ် ကျောဘက် မျက်နှာပြင်ကြောင့် 108 MP ကင်မရာနဲ့အတူ Selfie ကောင်းကောင်း ရိုက်လို့ရမှာပါ။ အဖွဲ့လိုက်ဆိုရင်လည်း 20MP 117-degree ကင်မရာနဲ့ အတော်လေး ဟန်ကျမယ်လို့ မျှော်လင့်ရပါတယ်။

Ref: GSM Arena